Li Wanê vê sibehê di serdegirtinên li BDP’ê, şaredarî, rêxistinên sivîl yên civakî û çapameniya Kurd hêjmara binçavkiriyan giha 28’an.

Polîsên Midûriyeta Polîsan ya Wanê vê sibehê di bin navê “KCK”’ê de hemwext di ser gelek navnîşanên Wan, navçe û bajarokên wê de girtin.

Di serdegirtinên Nûnertiya Herêmê ya Ajansa Nûçeyan ya Dîcle DÎHA’yê, Nûnertiya Rojnameya Azadiya Welat, KURDÎ-DER, Şaredariya Wanê, prefabrîkên Mala Piştgiriyê ya Perwerdeya Şaredariyê, hemû depoyên şaredariyê, midûriyeta îmarê, Navenda Rehabîlîtasyona Wanê, Cîgirê Şaredar Sabrî Abî, Şêwirmendê Şaredariyê Kantarcioglû, mal û odeyên şaredariyê Alîkarê Şaredar Selîm Bozyîgît, mala Şaredarê Eganîsê Veysel Keser û gelek navnîşanên din de hêjmara binçavkiriyan giha 28’an.

Endamê Meclîsa BDP'ê Huseyin Dag, Seroka Giştî ya Melîsa Bajar Semira Varli, Cîgirê Şaredar Selim Bozyigit, Şaredarê Eganîsê Veysel Keser, Şêwirmendê Şaredar Saît Kantarcioglu, Endamê Meclîsa Bajar a Wanê Senar Elter, Hevserokên BDP'a Wanê Fevziye Şîran, Yakup Ataş Rêveberê BDP'ê Naîf Ograş, Habîb Abî, rêveberê BDP'e yê berê Naîm Işik, Yakup Ataş, Nacî Erkol, Îbrahîm Alkan, Îhsan Arslan, Îsmaîl Demîr, Muselma Pala, Serokê BDP'a Elbakê Salahattin Bozkurt, Mamosteyên Mala Piştgiriya Perwerdehiyê yê berê Nimet Ege, Meral Gungor, endamê Meclîsa Şaredariya Wanê Adil Adiyaman, endama Înîsiyatîfa Dayîkên Aştiyê Rûkiye Aslan, endamê Egitim Sena Erdîşê Abubekir Dîkmen, Mustefa Toprak, ji Şaredariya Mûradiyê Şaban Arslan û 4 kesên ku navên wan nehatin zanîn bigiştî 28 kes hatin binçavkirin.