Li taxên Şehîd Firat û Xaçort ên Wanê ciwanên salvegera Pêngava 15’ê Tebaxê pîroz kirin rastî êrîşa polîsan hatin. Hat ragihandin ku di pevçûnên ji ber êrîşên polîsan rû dan 3 kes birîndar bûn.

Li Wanê pevçûnên ji ber polîsên ku êrîşî ciwanên salvegera pêngava 15’ê Tebaxê pîroz dikirin rû dan didomin. Li ser pevçûnên ku li Cadeya Orhan Dogan destpê kirin û li taxên Şehîd Firat, Xaçort û Karşiyaka didomin parlamenterên Wanê yên HDP’ê, rêveberên DBP-HDP’ê çûn cihên pevçûn lê hene û bi gel re axivîn. Pevçûnên ku polîsên Tirk bi ava şid, gaza îsotan û li hin deveran çekan bi kar tînin didomin.