Balafirên şer yên koalîsyona navneteweyî îro seat 18.30’an navendek çeteyên DAIŞ’ê li başûr rojhilatê bajarokê Sirînê yê Kobanê bombebaran kir, di encamê de 5 çete hatin kuştin.

Li gorî agahiyên ji çavkaniyên herêmê hatine girtin, Li başûr rojhilatê bajarokê Sirînê yê Kobanê îro seat 18.30 balafirên koalîsyona navneteweyî navendek çeteyên DAIŞ’ê bombebaran kir. Di encamê bombebaranê de 5 çeteyên DAIŞ’ê hatin kuştin.

Bajarokê Sirînê dikeve başûrê rojhilatê Kobanê beriya niha demekê ji aliyê şervanên YPG/YPJ’ê ji çeteyan hatibû rizgarkirin.