Li navçeya Riha Pirsûsê, wesayîta ku karkerên çandiniyê yên Kobanê yên li kampa AFAD'ê dimînin tê de bûn, qeza kir. Di qezayê de 2 kes mirin, 25 kes jî birîndar bûn.

Ev qemyoneta karker tê de bûn, li herêma Çiyayê Arat ê li navçeya Bêrecûkê ji kontrolê derket û li bendên li qiraxa rê qelibî.

Hat ragihandin, Kobaniyên di wesayîtê de bûn, ji bo li bexçeyên li dora Aratê bixebitin, bi rê ketibûn. Ji van karkerên li romorka qemyonê de bûn, 2 kesên ji ber qezayê pengizîn jiyana xwe ji dest dan. 25 kesên di qezayê de birîndar bûn rakirin nexweşxaneyên li Rihayê.