Li gor daxuyaniya Navenda Çapemenî û Ragihandinê ya HPG’ê, li herêma Oremar a girêdayî navçeya Gever a Colemêrgê di navbera gerîlayan û artêşa Tirk de pevçûnên dijwar rû dane. 4’ê Mijdarê danê sibehê saet 06.00’an artêşa Tirk hewl da bikeve herêma Şehîd Bager a xeta sînorê herêma Avaşîn, li vir ji aliyê gerîlayên HPG’ê çalakiyek sabotajê li hember yekîneyên artêşa TC hat lidarxistin. Di çalakiyê de 4 leşkerên Tirk hatin kuştin.

Hêzên gerîla ji sê baskan ve li yekîneyên artêşa Tirk xistin û di encamê de 11 leşker kuştin. Artêşa Tirk mirî û birîndarên xwe bi helîkopterên Skorsky rakirin.

Di dema pevçûnên heta saet 18.30’an dom kir de gerîlayê bi navê Çeşîd Şaboyî (Azad Jiyan) yê ji Maku bi giranî birîndar bû. Tevî giştî mûdaxeleyan jî Şaboyî nehate rizgarkirin.

Artêşa Tirk di dema pevçûnan de herêmên Şehîd Rahîme, Şehîd Afat û Şehîd Gafûr bi obus, hawan û bombeyên mîsket bomberdûman kir, her wiha bomberdimanên balafirên şer jî domand.

LI QEREQOLA KARATAŞ LEŞKEREK HAT KUŞTIN

Hêzên gerîla 3’ê Mijdarê saet 11.30’an li hember qereqola Karataş a li xeta sînorê herêma Zapê çalakiyek sûîqestê li dar xistin. Di çalakiyê de leşkerek hat kuştin.

LI HEMBER QEREQOLA GIRÊ BI ÇEKÊN GIRAN ÇALAKÎ PÊK HAT

4’ê Mijdarê li hember qereqola Girê ya li xeta sînorê Çelê, hêzên gerîla bi çekên giran û ferdî çalakî li dar xistin. HPG’ê diyar kir ku di çalakiyê de hejmara mirî û birîndaran nehatiye zelalkirin, piştî çalakiyê qereqolê derdora xwe rasterast gulebaran û bombebaran kir.

LI ÇELÊ LEŞKEREK HAT KUŞTIN

Her wiha, 4’ê Mijdarê saet 13.30-14.00’an li hember qereqola Serê Sevê ya li xeta sînorê Çelê çalakiyek hat lidarxistin. Di çalakiyê de leşkerên li girê qereqolê hatin hedefgirtin û di encam de leşkerek hat kuştin. Piştî çalakiyê, qerqolan herêmên Latê Kewan û gundê Ditaza bi obus, hawan û tankan bomberdûman kirin.

Di daxuyaniya xwe de HPG’ê ragihand ku 5’ê Cotmehê saet 06.30-07.00’an hêzên gerîlayan li hember nîzamiyeya qereqola Bîlîcanê bi çekên giran çalakî pêk anîne, lê encamên çalakiyê nehatiye zelalkirin.

Di daxuyaniyê de der barê bomberdûman û tevgera hewayî ya artêşa Tirk ev agahî hatin dayin:

“4’ê Mijdarê saet 18.00-19.00’an balafirên şer ên Tirk herêmên Gabar û Çirav ên girêdayî Botanê bomberdûman kirin. Her wiha di navbera saet 19.00 û êvarî saet 02.00’an tabûrên Zivingê, TRT Gabar û Girê Cotyar; girê Gundikê Şêx dan ber obus û hawanan. Her wiha li ser herêmê ev 7 roj in pêgerên hewayî yên keşfê zêde digerin.

4’ê Mijdarê saet 10.00-11.30’an qerqola Serbesta ya li xeta sînorê herêma Metîna ya Herêmên Parastinê yên Medyayê; girê Kurê Şîno, saet 12.00-17.00’an û 5’ê Mijdarê (îro) saet 04.30-06.30’an qereqola Arûş jî; girên Şehîd Dîlberû Kurê Şîno bi obus, hawan û tankan bomberdûman kir.

4’ê Mijdarê saet 09.00-09.30’an qerqola Bîlîcan a li xeta sînorê herêma Zapê; herêma Tepê Çete, saet 17.30-21.00’an qerqolên Tepê Ortê, Serê Sevê û Êrîş; herêmên gundê Nerwe û Tepê Sor bi obus, hawan û tankan bomberdûman kir.

4’ê Mijdarê saet 09.00-10.00,13.00-16.00’an û 5’ê Mijdarê saet 00.00-07.00’an li ser herêma Garê, 4’ê Mijdarê saet 07.00-15.00’an li ser herêma Zapê, 5’ê Mijdarê saet 02.00-04.30’an li ser herêma Metîna pêgerên hewayî yên keşfê geriyan.

4’ê Mijdarê saet 10.00-15.30’an û saet di navbera 21.00 û 5’ê Mijdarê saet 02.30’an de li ser herêma Zapê, 5’ê Mijdarê ji saet 01.00’an heta saetên sibehê ve li ser herêma Garê tevgera balafirên şer hebû.

4’ê Mıjdarê saet 12.00-13.00’an qerqola Girê Sîvrî ya li xeta sînorê herêma Avaşîn, girê Şehîd Silêman, Tepê Sor û herêma Bêdewê, saet 13.00-14.00’an qerqola Grana; herêma Mergê da ber obus û hawanan.”