Li Kobanê di çarçoveya operasyonên YPG/YPJ'ê yên paqijkirina derdora kantonê de li başûrê herêmê 2 çeteyên DAIŞ'ê hatin kuştin.

Navenda Çapemeniyê ya YPG'ê bi daxuyaniyeke nivîskî der barê pevçûnên roja 206. a berxwedana Kobanê de agahî da.

Li gorî daxuyaniya Navendê, hêzên YPG/YPJ'ê duh bi şev li hemberî komeke çeteyan a li nêzî gundê Sepeta Ereban ê li başûrê Kobanê çalakiyek pêk anîn û di encamê de 2 çete hatin kuştin.

Navenda Çapemeniyê diyar kir ku di heman şevê de li başûrrojhilatê Kobanê jî çalakiyek hatiye lidarxistin û di vê çalakiya li gundên Minîfê Kor, Xweydankê û Meqleaya Çelebî de pevçûnûn dijwar qewimîne.

Navendê diyar kir ku agahiyên berfireh ên li ser van pevçûnan wê dûre bi raya giştî re werin parvekirin.