Navenda Ragihandin û Çapemeniyê ya HPG'ê li ser êrîşên artêşa Tirk ên li hemberî Herêmên Parastinê yên Medyayê daxuyaniyeke nivîskî weşand. 

Di daxuyaniyê de ev agahî hatin dayîn.

"Roja 21'ê Adarê saet di navbera 20:30-21:00 de qereqola Erîş a li navçeya Colemêrg Çelê; girê Xeregol ê li herêma Zapê, roja 22'ê Adarê (îro) saet di navbera 05:00-06:00 de qereqola Bilicanê; qada Ertûşê bi obus û hawanan bombe kirin.

21'ê Adarê saet di navbera 16:00-16:30 de qereqola Arûş a li navçeya Şirnex Qilabanê hawan avêt girê Kuroşîno yê li herêma Metîna.

21-22'ê Adarê saet di navbera 19:00-06:00 de artêşa Tirk a qada Şehîd Kendal a ser bi herêma Heftanînê ya li aiyê navçeya Qilabanê bi cih bû, obus û hawan avêt Deriyê Davetiya û Girê Nêriya.

22'ê Adarê saet di navbera 05:00-06:00 de qereqola Bêzelê ya li navçeya Colemêrg Şemzînanê; girê Sor, qada Bêdewê yên ser bi herêma Avaşînê, di heman saetê de qereqola Oremarê ya li navçeya Geverê jî sêgoşeya Şukê, Dola Bîra û Satê bi obus, hawan û tankan bombe kirin.

TEVGERA HEWAYÎ DEWAM DIKE

Roja 21'ê Adarê saet di navbera 14:00-22:00 de li ser herêma Xakurê, 21-22'ê Adarê saet di navbera 15:30-09:00 de li ser herêma Zapê, saet di navbera 16:00-09:00 de li ser herêma Avaşînê û saet di navbera 23:00-02:00 de li ser herêma Garê balafirên keşfê yên bê mirov geriyan. Her wiha 22'ê Adarê saet di navbera 01:00-02:00 de balafirên şer li ser herêma Xakurê geriyan."