Navenda Çapemenî û Ragihandinê ya HPG’ê diyar kir ku balafirên şer ên artêşa Tirk 2’yê Mijdarê li herêma Zap, Dola Şehîd Harûn, Avaşîn, Garê û Metîna ên girêdayî Herêmên Parastinê yên Medya hin herêm bombe kirine.

Ji qereqolên li ser sînor jî bi obus, hawan û tankan êrîş pêk hatine.

Navenda Çapemenî û Ragihandinê ya HPG’ê ya daxuyaniyeke nivîskî weşand, der barê êrîşên balafirên şer ên artêşa Tirk, keşif û êrîşên li ser xeta sînor ev agahî da:

“2’yê Mijdarê saet 20:00- 22:30 balafirên artêşa TC qada Çemco derdora gundê Kokerê, Şehîdgeha Şehîd Reşîd û mizgefta di şehîdgehê de yên girêdayî herêma Zapê bombe kirin. Her wiha saet di navbera 17:30-18:00 balafirên şer girê Xergol bombe kirin.

2’yê Mijdarê saet di navbera 21:30- 23:00 de balafirên şer qadên Dola Şehîd Harûn, gundê Riskê û Sorgulê bombe kirin.

Di navbera 2’yê Mijdarê saet 16:00 û 3’yê Mijdarê (îro) saet 02:00 balafirên şer  qadên li ser sînorên herêma Avaşîn ên Şehîd Gafur, Şehîd Rehîme, Şehîd Afat, gundê Satê û Mervanos bombe kirine.

2’yê Mijdarê saet di navbera 21:00-23:00 balafirên şer qadên girêdayî herêma Garê yên gundên Yekmal, Sêyanê, Şeranê û Sarkê bi awayekî zêde bombe kirine. Di encama bombekirinê de zevî û baxçeyên gundiyan zerar dîtiye.

2’yê Mijdarê di navbera 22:00-00:00 de balafirên şer qadên gundê Yekmalê, Kanîreş û Şehîdlîk ên girêdayî herêma Metîna bombe kirine.

JI QEREQOLÊN LI SER SÎNOR BI OBUS, HAWAN Û TANKAN BOMBARDÛMAN

2’yê Mijdarê saet di navbera 07:30-11:30 Alaya Topavêj a Gulyazi (Bojeh), Qereqola Tepê Maymûn ên li ser xeta Herêma Heftanîn, artêşa TC a li derdora Girê Şehîd Kendal bi cih bûye; Qada Deriyê Dawetiya, saet di navbera 09:00-19:00 de qereqolên Tepê Sînek û Tepê Maymûn; qada Kato Silê bi obus, hawan û tankan bombe kirin.

2’yê Mijdarê saet di navbera 17.00 - 19.00’an de qereqola Serbesta ya li ser sînorê herêma Metîna; girê Kuro Şîno, saet di navbera 09.30 - 11.30 û 14.30 - 15.00 de qereqola Arûş; girê Kuro Şîno bi obus, hawan û tankan bombe kirine.

KEŞF

Di navbera 2’yê Mijdarê saet 09.30 û 3’yê Mijdarê saet 11.00’an de  li herêma Zapê û qada Avaşîn, 2’yê Mijdarê saet 21.30 û 3’yê Mijdarê saet 02.30 de li herêma Metîna, 2’yê Mijdarê saet 17.00 û 3’yê Mijdarê saet 01.00 de li ser herêma Heftanîn pêgerên hewayî yên bê mirov keşf pêk anîn.

2’yê Mijdarê saet di navbera 11.00 - 12.00 de li herêma Qendîl, saet di navbera 12.00 - 13.00 de li herêma Garê, saet di navbera 21.00 - 22.00 li herêma Xakurkê, saet di navbera 21.00 - 00.00 li herêma Heftanîn, saet 21.00 û 3’yê Mijdarê saet 02.30 de li herêma Metîna û Zapê tevgera balafirên şer rû daye.

1’ê Mijdarê êvarî saet 18.00'an tevgera pêgerên hewayî yên keşfê ku li ser qada Cûdî ya Botanê destpê kir hê jî didome.

1’ê Mijdarê saet di navbera 14.00 û 19.00’an de qereqolên Girê Meydana û Girê Spî yên girêdayî navçeya Qilaban a Şirnexê qadên Geliyê Mijîn û Geliyê Hîlal bi obus û hawanan bombe kirin.

Ev 5 roj in li ser qada Gabar a Botanê keşf tên kirin. Ev keşf hê jî didomin.”