Êrîşên artêşa Tirk ên li hember herêmên gerîlayan didomin. Qadên Şehîd Gafûr, Şehîd Bager, Şehîd Rahîme, Şehîd Afat û Gomakê yên li ser xeta sînorê Avaşîn hatin bombekirin. Li ser Zap û Avaşîn jî pêgerên hewayî yên bêmirov keşf pêk anîn.

Navenda Çapemenî û Ragihandinê ya HPG’ê têkildarî tevgera artêşa Tirk ev xisûs diyar kir: “Di navbera 20’ê Cotmehê saet 17.00 û 21’ê Cotmehê saet 02.00’an de balafirên şer ên Tirk qadên Şehîd Gafûr, Şehîd Bager, Şehîd Rahîme, Şehîd Afat û Gomakê yên li ser sînorê herêma Avaşîn bombe kirin. Heman saetan li van qadan pêgerên hewayî yên bêmirov keşf pêk anîne.

20’ê Cotmehê saet 23.00'an girê Şehîd Ezîz ê li qada Geliyê Doskî yê girêdayî navçeya Gever a Colemêrgê, dîsa 21’ê Cotmehê saet di navbera 04.30 - 05.00’an de Tepê Dam ji aliyê balafirên şer ve hatine bombekirin.

20’ê Cotmehê saet di navbera 14.00 - 14.30’î de qereqola Vacîp a li ser sînorê herêma Heftanîn; qada Dawetiya, 21’ê Cotmehê (îro) saet di navbera 09.30 - 10.00’an de qereqola Çete; Tepê Partîzan bi hawan, obus û tankan bombe kirine.

20’ê Cotmehê saet di navbera 15.00 - 15.30 de qereqola Erîş a li ser sînorê herêma Zap; qada Dola Şîfreza bi obus û hawanan bombe kiriye.

Di navbera 20’ê Cotmehê saet 08.00 - 10.00 û 21’ê Cotmehê saet 00.30 - 04.30 de li ser herêma Zapê, ji sibeha 20’ê Cotmehê ve li ser herêma Avaşîn pêgerên hewayî yên bêmirov keşf pêk anîne.”