Li Geverê, berxwedan bi ser ket
Tîmên tevgera taybet ên êrîşî Taxa Cûmhûriyet a Geverê kirin, li pêşberî berxwedana gel neçar man vekişin.
Li navçeya Colemêrg Geverê, tîmên tevgera taybet bi wesayît û kepçeyên zirxî danê sibehê li Taxa Cûmhûriyetê operasyonek pêk anîn.
Tîmên tevgera taybet ên Tirk hewl dan ji Kolana Kanî Heyder bikeve nava taxê, demeke dirêj gule li nava taxê û bendan reşandin.
Geveriyan jî bi tilîlî û çalakiyan bersiv dan êrîşê. Dûre tîmên tevgera taybet du bend vekirin û xwe vekişandin. Gel jî bendên xwe careke din danîn û zexm kirin.
