Hêzên dewleta Tirk ên ku 9 roj in nikarin bexwedana gel bişikînin, bi tank û wesayîtên leşkerî yên ji duh ve sewqî navçeyê dikin, li hemberî taxên Tekel, Konak û Mescîtê hem ji navenda navçeyê hem jî ji qada bejahî ji Gundê Cano û Gaza Topê, operasyona leşkerî dan destpêkirin.

Leşkerên Tirk, tevî tîmên tevgera taybet bi çekên giran û tankan êrîşî taxan kirin. Êrîş danê sibehê zêde bûn. Helîkopter jî li ser taxan digerin û keşfê dikin. Hêzên çekdar ên Tirk di heman demê de topan diavêjin taxan.

Tîmên taybet ên li cihên bilind bi cih bûne jî, guleyan li sivîlan direşînin.

Parlamenterên HDP'ê û aktîvîstên KJA ku tevî qedexeyê jî ketin nava taxên qedexekirî, bi gel re li hemberî êrîşan li ber xwe didin. Gel bi dirûşma "Bijî Berxwedana Farqînê" û tilîliyan bersivê dide gulebarana hêzên çekdar ên Tirk.