Li Çewlikê polîsan serê sibê bi ser gelek malên xwendekaran de girtin. Di encama serdagirtinan de hin xwendekar hatin binçavkirin.

Li Çewlikê yekîneyên Şaxa TEM'ê û tîmên taybet serê sibê bi ser malên xwendekarên zanîngehê de girtin. Di encama serdagirtina malan de heya niha Unal Duz, Feyyaz Yahşî û Hamza Burulday hatin binçavkirin. Hate zanîn ku sedema binçavkirina xwendekaran di dema serketina Kobanê de tevlî pîrozbahiyan bû û di pîrozbahiyan de "dirûşmên dijzagonî berz kirin" hate nîşandan.

Di nav xwendekarên hatin binçavkirin de Rêveberê DBP'ê yê Çewlikê û di heman demê de xwendekara Unal Duz jî heye û Duz hefteya borî di operasyona li hemberî "YDG-H'ê" de jî hatibû binçavkirin û piştî îfadeyên dozgeriyê serbest hatibû berdan.

Xwendekarên hatin binçavkirin birin Şaxa TEM'ê.