Navenda Ragihandin û Çapemeniyê ya HPG’ê daxuyaniyek nivîskî weşand, diyar kir ku 2’yê Îlonê saet 15.00-16.00’an li derbenda Erbîş a li qada Ertûşê ya girêdayî navçeya Çelê ya Colemêrgê, kepçeyek artêşa TC bi çalakiya sabotajê hate îmhakirin.

HPG’ê destnîşan kir ku tankeke piştî çalakiyê hate cihê bûyerê jî bi çeka RPG-7 hatiye rûxandin, got; “Hejmara leşkerên mirî û birîndar nehatin zelalkirin. Her wiha di şer de ku li derbenda Erbîşê rû da, 2 leşker hatin kuştin.

Ji saetên sibehê heta niha artêşa TC êrîşê kelha Ertûşê, girên Şehîd Cahîd û Şehîd Newal dike. Hate ragihandin ku kuştiyên artêşa TC hene. Her wiha artêşa TC 3 caran hêzên li vir guhertine.”