Di encama şerê di navbera leşkerên derketibûn operasyonê û gerîlayên HPG’ê de ku li devera Serê Sêvê li gundên Bilêcan û Mafûfan ê li herêma Ertoş a bejahiya Çelê ya Colemêrgê derketibûn, ev 3 roj in dewam dike. Hat diyarkirin ku herêmên ku 40 km ji navenda navçeyê dûr in ku şer lê diqewim, şer ber bi sînor û Geliyê Tiyarê ve belav dibin. Ji ber dijwariya şer di saetên zû yên sibehê de gelek leşker û polîsên tîmên taybet (POH) sewqî herêmê hatin kirin.

Îro têkildarî şerê dijwar ê ku qewimî ti daxiyaniyên fermî nehatin dayîn, hat diyar kirin ku di şer de gelek leşker hatine kuştin û birîndarkirin. Îro beşa lezgîn ya Nexwexaneya Dewletê ya Çelê û Nexweşxaneya Dewletê ya Colemêrgê ji bo dermankirina leşkerên birîndar ji bo demekê hatin girtin. Her wiha hat destnîşan kirin ku çend personelên nexweş jî negirtin beşa lezgîn.