Di daxuyaniya wezaretê de hat gotin, gaza her sal ji aliyê hikûmeta Başûrê Kurdistanê ve tê belavkirin wê îsal neyê belavkirin û ji gel xwest, ku gazê bi derfetên xwe peyda bike.

Serokê Koma Tevgera Goran a Meclîsa Wîlayeta Hewlêrê Ebdulrehman Muhedîs ev daxuyaniya Wezareta Çavkaniyên Xwezayî nirxand. Muhedîs Li Meclîsa Wîlayeta Hewlêrê axivî û got, "Bi vê biryarê re, bi zanebûn dixwazin krîzeke nû derxînin pêşiya welatiyan. Ev tê wateya derxistina krîzeke nû."

Ebdulrehman Muhedîs diyar kir, ev krîz wê mezintir bibe û li sektorên cuda yên cemaweriyê jî der bide.