Di pêşengiya MERI de li Hewlêr têkildarî pêşveçûnên li Rojhilata Navîn konferansek tê lidarxistin.

Saziya MERI îro seat 14:00’an li Hotela Rutana ya bajarê Hewlêrê Konferansekê li ser rewşa Rojhilata Navîn û Herêma Kurdistanê li dar dixe. Konferans wê du rojan berdewam dike.

Nêzî 150 kesayetên siyasî yên Iraq û her çar parçeyên Kurdistanê, çalakvan û rêxistinên cuda tevlî Konferansa îro dibin. Di konferansê de li ser rewşa heyî ya Rojhilata Navîn û pêşeroja welatên herêmê nîqaş tên kirin.

Di roja yekemîn a Konferansê de Serokkomarê Iraqê Fuad Mesûm, Serokê Parlamentoya Iraqê Selîm Cebûrî, Serokê Meclîsa Bilind a Îslamî li Iraqê Emar Hekîm û Cîgirê Serokê Parlamentoya Iraqê Aram Şêx Mihemed jî beşdarî dibin.

Di Konferansê de pêşeroja Kerkûkê û nexşerêya çareseriyê tê gotûbêjkirin. Rewşa penaberan mijarek din e ku di Konferansê de tê nîqaşkirin û behsa sedemên koçberiyê jî tê kirin.

Gelek kesayetên siyasî û partiyên ji Başûr û Bakur, Rojava û Rojhilatê Kurdistanê jî tevlî Konferansê dibin.