Keyayê gundê Qenciya ya Qereyaziyê Abdulhalîk Bîlîz ê hatibû binçavkirin bi îdîaya "alîkarî daye rêxistinê" hate girtin. Keyayê Taxa Yahyayê Selman Yavuz jî hate binçavkirin.

Li navçeya Qereyazî ya Erziromê, keyayê gundê Qenciya Abdulhalîk Bîlîz ê ku roja borî hatibû binçavkirin piştî karên li Fermandariya Cendirmeyan derxistin dozgeriyê. Piştî îfadeya li dozgeriyê Bîlîz bi îdiaya ku "alîkarî daye rêxistinê" sewqî dadgehê hate kirin. dadgeha Cezaya Sulhê biryara girtinê da û Bîlîz hate girtin.

Li aliyê din keyayê Taxa Yahyayê Selman Yavuz jî ji aliyê leşkeran ve hate binçavkirin.