Navenda Ragihadin û Çapemeniya HPG’ê, der barê êrîşên artêşa Tirk ên ku ev du roj in li dar dixin de agahî parve kir.

LI SER SÎNORÊ QILABANÊ ÇALAKÎ

Navenda Ragihadin û Çapemeniya HPG’ê, têkildarî çalakiya Gerîlayên YJA-STAR ya li ser sînorê Qilabanê ev agahî da:

“19’ê Adarê saet 10:00-10:30’an de li hemberî wesayîta zirxî ya artêşa TC dema ku dixwest li sînorê navçeya Qilaban a Şirnexê ber bi Girê Seyîdan ve biçe, ji aliyê gerîlayên YJA-STAR’ê ve bi çekên giran çalakî hat lidarxistin. Di vê çalakiyê de têkildarî kuştî û birîndaran ti agahiyên zelal nehatin bidestxistin. Piştî çalakiyê 20’ê Adarê (îro) heta saet 05:00 qereqola Elemûn herêmên derdora xwe bi obus, hewan û tankan bomberdûmankirin.”

ÊRÎŞÊN ARTÊŞA TIRK

Di daxuyaniyê HPG’ê de têkîldarî êrîşên artêşa Tirk jî ev agahî hatin dayîn:

“19’ê Adarê saet 20.30-21.30’an qereqolên Erîş, Bîlîcan û Tepê Marûka yên li sînorê navçeya Çelê ya Colemêrgê qadên derdora xwe dan ber çekên giran.

19-20’ê Adarê saet 20.00-05.00’an qereqola Tepê Çete û Alaya Topavêjan a Gulyazi yên li sînorê navçeya Qileban a Şirnexê; qada Girê Nêriya ya girêdayî herêma Heftanînê, saet 23.00-02.00’an qereqola Şivan; girê Partîzan, saet 22.00-03.0’an qereqola Tepê Sîne; qada Bektorya da ber obus û hewanan.

19-20’ê Adarê saet 20.00-03.30’an qereqola Arûş a li sînorê navçeya Qileban a Şirnexê_ girê Kuroşîno yê girêdayî herêma Metîna da ber obus û hewanan.

19-20’ê Adarê saet 19.00-04.00’an li ser herêma Heftanînê, saet 21.00-04.30’an li ser herêma Zapê, saet 23.00-04.00’an li ser herêma Garê pêgerên hewayî yên keşfê geriyan. Her wiha 20’ê Adarê saet 03.00-05.30’an li ser herêma Zapê tevgera balafirên şer çêbûne.”