Ji eşîra Caf piştgiriya ji bo berxwedana Rojava
Ji eşîra Caf ku yek ji eşîrên herî mezin ê Kurdan e, piştgirî ji berxwedana gelê Rojavayê Kurdistanê re hate nîşandan.
Rêveberekî Eşîra Caf Nizar Hesen Caf peyamek da û destnîşan kir ku gelê Rojava li Sûriyeyê ketiye ber êrişên komên çete yên hov.
Di peyamê de diyar dike ku divê bi hemû rengî alîkariya gelê Rojava bê kirin.
Di dewama peyamê de bang li hemû eşîr û hêzên Caf û hemû eşîrên Kurdistanê tê kirin ku di vê rewşa çarenûsê de helwesta xwe nîşan bidin, dakevin qadan.
