Navenda Ragihandin û Çapemeniyê ya HPG'ê, li ser bomberdûman û tevgera hewayî ya artêşa Tirk daxuyaniyeke nivîskî weşand. Di daxuyaniyê de hat gotin, "Roja 23'ê Îlonê saet di navbera 10.00-13:00 de li herêma Heftanînê, saet di navbera 09:00-13:00 de li herêma Zapê, saet di navbera 12:00-22:00 û 24'ê Îlonê (îro) saet di navbera 02:00-06:00 de li Garê, 24'ê Îlonê saet di navbera 02:00-12:00 de li herêma Avaşînê bi pêgerên hewayî yên bêmirov re keşif hatiye kirin. Her wiha roja 23'ê Îlonê saet di navbera 21:00-22:00 de li herêma Zapê balafirên şer geriyane."

HPG'ê der barê topbaranê de jî agahî da û got, "Roja 23'ê Îlonê saet di navbera 14:00-16:00 de qereqola Oremarê ya li navçeya Colemêrg Geverê; qada Şehîd Gafûr a herêma Avaşînê, saet di navbera 16:00-16:30 û 19:30-20:00 de qereqola Grana, qada Adilbeg, saet di navbera 20:00-20:20 de qereqola Bezelê; qada Girê Sor bi obus, hawan û tankan bombe kirine. ji ber bomberdûmanê li herêmê şewat derketiye.

Roja 23'ê Îlonê saet di navbera 16:00-16:30 de qereqola Bilican a li ser sînorê herêma Zapê; gundê Zevê û Dola Şehîd Nûda, saet di navbera 16:00-16:30 de qereqola Şkêr; Girê Cehenemê bi obus, hawan û tankan bombe kiriye."