Pêgerên hewayî yên artêşa Tirk li herêmên gerîla keşfan pêk tînin. Artêşa Tirk her wiha operasyon û kemînan datîne.

Navenda Ragihandin û Çapemeniyê ya HPG’ê daxuyaniyeke nivîskî weşand. HPG’ê diyar kir di navbera 24’ê Hezîranê saet 16:00 û îro saet 01:00’ê de li qada Mêrgezerê ya li herêma Zagrosê, 25’ê Hezîranê saet di navbera 05:00-08:00’an de li qada Sumbul û herêma Zapê pêgerên hewayî yên bê mirov ên artêşa Tirk keşf pêk anîne. Dîsa îro saet di navbera 01:00-03:00’an de li xeta sînorê herêma Metîna pêgerên hewayî yên bê mirov keşf pêk anîne. Li herêma Zapê jî saet di navbera 17.00-18.00’an de keşf pêk hatiye.

Navenda Ragihandin û Çapemeniyê ya HPG’ê têkildarî tevgera leşkerî ya artêşa Tirk daxuyaniyeke nivîskî weşand. HPG’ê got: “24’ê Hezîranê di navbera saet 16:00 - 17:00’an de Girê Meymûn û qereqolên Alaya Topavêjan a Gulyazi yên li ser xeta herêma Heftanîn a yek ji Herêmên me yên Parastinê yên Medya ye li hember girê Şehîd Ronahî bi obus û hewanan bombardûmanek pêk anîne. Her wiha di navbera 23’ê Hezîranê saet 22:00 û 25’ê Hezîranê saet 03.30’î de pêgerên hewayî yên bê mirov ên artêşa Tirk keşf pêk anîne

NavendaRagihandin û Çapemeniyê ya HPG’ê da xuyakirin ku di encama kemîna di operasyona artêşa Tirk a 14’ê Hezîranê de gerîlaya bi nasnav Sarya Onûr Maxzûme Mûhammedzade jiyana xwe ji dest daye û bal kişand ser van xisûsan: “Li hember vê êrîşa artêşa Tirk hêzên me yên gerîla 24’ê Hezîranê saet 11.00’an li hember Qereqola Sîrya a li Garisa ya girêdayî herêma Gabarê çalakiyeke sûîqestê pêk anîne. Di encama vê çalakiyê de leşkerek hatiye kuştin.

23’ê Hezîranê saet di navbera 21:00 - 22:00’an de li gundê Paganî yê girêdayî Payîzava ya Wanê artêşa TC a dagirker bi wesayîtên zirxî kemîn danîne.

Ev 3 roj in li herêmên gundên Xizrokîn, Kurtika, Ez Serxaç ên di navbera Wan û Tetwan a Bedlîsê de artêşa TC a dagirker kemînan datîne.

24’ê Hezîranê saet 11:00'an li herêmên gundên Arica, Tirman, Mixyan, Qotmer ên girêdayî Elezîzê artêşa TC a dagirker operasyonek daye destpêkirin. Artêşa Tirk a di operasyonê de kemîn danîn heman rojê saet 20.00’an bê encam vekişiya.

Di navbera 23’ê Hezîranê saet 20:00 û 24’ê Hezîranê saet 05:00’an li herêma bejahiya Farqîn a Amedê û di navbera 24’ê Hezîranê saet 20:00 û 25’ê Hezîranê saet 12:00’an de li ser qada Şehîd Baran pêgerên hewayî yên bê mirov keşf pêk anîne.”