Navenda Ragihandin û Çapemeniyê ya HPG'ê, der barê bomberdûman û tevgera hewayî ya artêşa Tirk a li hemberî qadên gerîla de daxuyaniyeke nivîskî weşand.

Di daxuyaniya HPG'ê de hat gotin, "Roja 16'ê Îlonê saet di navbera 01:00-02:00 de, qereqola Remo ya li navçeya Colemêrg Geverê, bi obus û hawanan qada Bimbiy bombe kiriye.

Roja 15'ê Îlonê saet di navbera 18:00-21:00 de Girê Sîvrî yê ser bi qereqola Oremarê ya li navçeya Colemêrg Geverê, Girê Spî û Girê Sor ên li herêma Avaşînê, roja 16'ê Îlonê saet di navbera 05:30-06:00 de qereqola Bezelê ya li navçeya Colemêrg Geverê, Girê Spî û Girê Sor bi obus û hawanan bombe kirine.

Di 15'ê Îlonê saet di navbera 18:30-23:00 de, qereqola Bilican a li ser sînorê herêma Zapê, bi çekên giran gule li derdora xwe reşandiye.

Roja 15'ê Îlonê, balafirên şer ên artêşa T.C, saet di 16:00 de qada Şehîd Gafûr a herêma Avaşînê, saet di navbera 16:30-19:00 de jî bi desteka pêgerên hewayî yên bêmirov re qada Pirbula ya herêma Heftanînê bombe kiriye."

TEVGERA HEWAYÎ DIDOME

Navenda Ragihandin û Çapemeniyê ya HPG'ê li ser tevgera hewayî jî got, "Roja 15'ê Îlonê saet di navbera 13:00-18:00 de li herêma Avaşînê, saet di navbera 07:00-00:00 de li herêma Heftanînê, saet di navbera 13:00-14:30 û ji saet 17:00 heta saet 04:30 ê 16'ê Îlonê li herêma Zapê bi pêgerên hewayî yên bêmirov re keşf hatiye kirin.

Roja 15'ê Îlonê saet di navbera 15:30-16:00 de li herêma Avaşînê, saet di nabera 15:00-17:00 û roja 16'ê Îlonê saet di navbera 01:00-01:30 de balafirên şer li herêma Zapê geriyan."