Fermandariya HPG'ê ya Eyaleta Xerzanê, der barê birîna darên li herêmê de daxuyaniyeke nivîskî weşand.

Di daxuyaniyê de Fermandariyê got, "Li gundên Kazdag, Tixwê, Şixot, Hakina, Koloyî û Faris ên ser bi navçeya Bedlîs Motkî, li navenda Norşîn û gundên Balaka, Sez, Buryan, Morx, Avzit, Zilket, Xismêr û Nokê yên Norşînê, li deşta Mûşê û gundên derdora wê dar tên birîn. Em bang li gelê xwe yê li herêmê dikin ku li hemberî birîna daran hestyar be û li hemberî zîhniyeta ku di bin navê bazirganiyê de hewl dide xwezaya Kurdistanê tine bike, tedbîran bigire. Girîng e gelê me yê li herêmê neyê van lîstikan. Zerardayîna li dar û daristanan sûc e. Eger birîna daran dewam bike, yên ev sûc kirine, wê ji ber zerardayîna xwezaya Kurdistanê bên cezakirin."