Navenda Ragihandin û Çapemeniyê ya HPG’ê nasnameya 4 gerîlayên 7’ê Mijdarê di pevçûna li bejahiya navçeya Pîran a Amedê de jiyana xwe ji dest dan aşkera kir.

Navenda Ragihandin û Çapemeniyê ya HPG’ê têkildarî çalakiyên hêzên gerîla yên li Çelê û Mêrdînê agahî da:

Di daxuyaniyê de hat diyarkirin ku li hember herêmên Metîna û Zapê bomberdûman didomin.

LI ÇELÊ ÇALAKIYA GERÎLA

Navenda Ragihandin û Çapemeniyê ya HPG’ê di daxuyaniyê de ragihand ku 9’ê Mijdarê hêzên gerîla li hember leşkerên li Tûgaya Çelê ya Colemêrgê çalakî li dar xistin.

Di çalakiyê de hejmara mirî û birîndaran nehatiye zelalkirin; artêşa Tirk mirî û birîndarên xwe bi ambûlansan rakir.

Piştî çalakiyê herêmên Şehîd Mazlûm û Dola Feqîra bi obus, hawan û tankan hat bomberdûmankirin.

LI HEMBER BENDA ILISÛ ÇALAKÎ

HPG’ê destnîşan kir ku 9’ê Mijdarê saet 13.30’an hêzên gerîlayan li hember leşkerên ewlehiya benda Ilisû ya navbera navçeyên Kerboran û Midyadê yên Mêrdînê digirtin, çalakî li dar xistine.

Têkîldarî çalakiyê ev agahî hatin dayîn;

“Di vê çalakiyê de çeperek hat îmhakirin, hejmara mirî û birîndaran nehat zelalkirin. Piştî çalakiyê artêşa TC mirî û birîndarên xwe bi helîkopterên Skorsky rakir; helîkoterên Kobra rasterast derdora xwe gulebaran kirin. Vê çalakiya ji bo bîranîna 3 hevalên me yên li Gabarê şehîd ketin pêk hat.”

LI AMEDÊ 4 GERÎLAYAN JIYANA XWE JI DEST DAN

HPG’ê di daxuyaniya xwe de nasnameyên 4 gerîlayên di pevçûna 7’ê Mijdarê li navçeya Pîran a Amedê jiyana xwe ji dest dane ragihand.

Di daxuyaniyê de wiha hat gotin: “7’ê Mijdarê li navçeya Pîran a Amedê, di operasyona artêşa TC de pevçûnê rû da, me ragihandibû ku 2 hevalên me gihiştine şehadetê, di pevçûnên li vir 4 hevalên me yên bi lehengî li ber xwe dan gihiştine şehadetê.”

Agahiyên nasnameya gerîlayên jiyana xwe ji dest dane wiha ne:

 

Nasnav: Mahîr Solhan

Nav-Paşnav: Tacettîn Uçar

Cihê jidayikbûnê: Amed

Navê Dayik-Bav: Nuriye – Mehmet Şah

Dîrok û Cihê Şehadetê: 7’ê Mijdara 2015 / Amed

 

Nasnav: Sefkan Şahîn

Nav-Paşnav: Şahîn Aykutalp

Cihê jidayikbûnê: Bedlîs

Navê Dayik-Bav: Gulperî - Hakîm

Dîrok û Cihê Şehadetê: 7’ê Mijdara 2015 / Amed

 

Nasnav: Serbest Spî

Nav-Paşnav: Çiya Karaalî

Cihê jidayikbûnê: Amed

Navê Dayik-Bav: Heves - Nîzamettîn

Dîrok û Cihê Şehadetê: 7’ê Mijdara 2015 / Amed

 

Nasnav: Şahîn Zaza

Nav-Paşnav: Îbrahim Çelebî

Cihê jidayikbûnê: Amed

Navê Dayik-Bav: Medine - Zulfu

Dîrok û Cihê Şehadetê: 7’ê Mijdara 2015 / Amed