Hevşaredarên Artemêtanê Sevîl Rojbîn Çetîn û Abdulkerîm Sayan, der barê binçavkirina xebatkarên şaredariyê de daxuyaniyeke nivîskî weşandin.

Di daxuyaniyê de hat ragihandin ku piştî pevçûna li taxa Şehîd Firat a li Artemêtanê, polîsên ser bi Midûriyeta Emniyetê ya Wanê li hemberî xebatkarên Şaredariya Artemêtanê dest bi operasyona binçavkirinê kirine û ev operasyon hat şermezarkirin.

'BILA SERBEST WERIN BERDAN'

Di dewama daxuyaniyê de hat destnîşankirin ku bi şêweyeke dûrî ji bingeha hiqûqî 3 xebatkarên şaredariyê hatine binçavkirin û hat gotin, "Piştî ku operatorê me yên kefçeyê Firat Çarti û amîrê me yê xerajê Îsmalî Kutukoglû ji aliyê ekîbên polîsan ên Midûriyeta Emniyetê ya Wanê ve hatin binçavkirin, Midûrê Karên Fen ê Şaredariya me Ûgûr Cîhan jî bi heman sedeman hat binçavkirin." Hevşaredaran xwestin, binçavkirî tavilê serbest werin berdan.