Rojnamevanên Sûriyeyî duh li mala xwe ya navçeya navend a Halîliye ya Rihayê ku qirika wan hatibû birîn û hatibûn kuştin, hatin dîtin. Xebatên otopsî yên Îbrahîm Abdûlkadîr û Farîs Hammadî bi dawî bûn. Cenazeyê Abdûlkadîr li navçeya Kaniya Xezalan a Riha hat defnkirin.

Der barê kuştina her du rojnamevanan de agahiyên tên DAIŞ’ê nîşan didin. Hate diyarkirin ku rojnamevan, nûçeyên piştgiriya Artêşa Sûriye ya Azad çêdikin û xebatkarên Rojnameya Ayn El Vatan a ku her 15 rojan carekê li bajêr tê weşandin in. Hate ragihandin ku Abdûlkadîr gerînendeyê nivîsê yê rojnameyê ye, Hammadî jî nûçegihan e.

HEVALÊN WAN: INFAZ DAIŞ’Ê KIRIYE

Hevalên rojnamevanan tevlî merasîma cenazeyê hevalên xwe bûn, DAIŞ nîşan dan. Li gor ragihandinan, hefteyek berê ji Reqa hin dîmen gihiştine destê Abdûlkadîr û Hammadî, bi rêya van dîmenan nûçe li dijî DAIŞ’ê çêkirine. Hevalên wan destnîşan kirin ku ji derveyî vê nûçeyê jî hevalên wan di hin weşanên navneteweyî de nivîs dinivîsandin û ketibûn hedefa DAIŞ’ê.

‘4 KESÊN KU DÎMEN ŞANDIBÛN JÎ DI HEMAN SAETÊ DE HATIN QETILKIRIN’

Rojnamevanekî hevalê her du rojnamevanan, da xuyakirin ku duh di saeta Abdûlkadîr û Hammadî hatin qetilkirin de 4 kesên ku ji Reqa ev dîmen ji wan re şandibûn jî bi heman rêbazê hatin qetilkirin.