HDP'yiyên li Hollandayê di çarçoveya xebatên hilbijartinê de hatin cem hev, planeke xebatê amade kirin.

Der barê hilbijartinên giştî yên 7'ê Hezîranê yên li Tirkiye û Bakurê Kurdistanê de, HDP'ê lez da xebatên xwe yên li Hollandayê.

Nûnerên komên xebatê û komîsyonên herêmî yên di civînên li bajarên Amsterdam, Den Haag, Rotterdam, Middelburg, Arnhem û Eindhovenê li bajarê Rotterdamê hatin cem hev. Di civîna bi beşdariya 25 kesan de ev biryar hatin girtin:

BIRYAR

"Heta 14'ê Adara 2015'an lîsteyên hilbijêran werin kontrolkirin û hilbijêrên ne qeydkirî werin qeydkirin.
Di navbera 14'ê Adar-8'ê Nîsanê de, îtiraz û sererastkirinên pêwîst werin kirin.
Li Hollandayê, ji bo dengdana 29-30-31'ê Gulanê hilbijêr, ji bo hilbijêran bibin ser sindoqan otobus werin amadekirin.
Ji bo ewlekariya deng û sindoqan, li ser her sindoqê muşahîdek were wezîfedarkirin.
Ji bo agahdarkirina hilbijêran, materyalên dîtbarî û nivîskî yên pêwîst bên amadekirin.
Ji bo xwegihandina beşên cuda yên civakê, medya civakî bê bikaranîn."

Di civînê de 14 kes weke komîsyona rêveber, 4 kes jî weke komîteya koordînasyonê û berdevk hat wezîfedarkirin."