Tevî 'qedexeya' kêfî ya Waliyê Tirk ê li Colemêrgê jî, li taxên navenda bajêr Newroz hat pîrozkirin. Polîsên Tirk bi bombeyên gazê û ava şîd êrîşî girseya gel a li taxan li hev civiya kirin.

Li taxa Medreseyê, Parlamenterê HDP'ê yê Wanê Nadîr Yildirim jî di nav de girseyeke qelebalix xwest Newrozê pîroz bike. Lê polîsên rejîmê bi ava şid û fîşekên plastîk êrîş kirin.

Gel jî li hemberî êrîşan li ber xwe da. Tax ji aliyê polîsên Tirk ve hatine dorpêçkirin.

Di encama êrîşan de 5 xebatkarên Navenda Çand û Hunerê ya Feqiyê teyran hatin binçavkirin.