Ji bo endamê Komîteya Navendî ya PKK’ê Metîn Arslan (Koçero Urfa), yek ji pêşengên Şoreşa Rojava Nûreddîn Sofî û gerîlayê HPG’ê Abdulbakî Babur (Bextiyar Gabar) ku rojên borî şehadeta wan hate eşkerekirin, li avahiya rêxistina Partiya Wekhevî û Demokrasiyê ya Gelan (DEM Partî) a li Sêrtê merasîma bîranînê hate lidarxistin. Gelek nûnerên partiyên siyasî, rêxistinên civakî yên sivîl, sazî û şênî beşdarî bîranînê bûn.

Nûnerê MEBYA-DER’ê yê Sêrtê Egîd Kaçar di bîranînê de axivî û diyar kir ku ew ê timî dilsozê bîranîna şehîdan bin. Piştre sînevîzyona li ser jiyana Arslan, Sofî û Babur hate temaşekirin.

Bîranîn bi berzkirina dirûşmeya “Şehîd namirin” bi dawî bû.