Tevgera hewayî û bomberdûmana artêşa Tirk a li hember herêmên gerîla didomin. 18’ê Tebaxê yek ji Herêmên Parastinê yên Medya Heftanîn bi piştgiriya pêgerên hewayî yên bê mirov hat bombekirin.

Navenda Ragihandin û Çapemeniyê ya HPG’ê têkildarî  tevgera hewayî ya artêşa Tirk a li hember herêmên gerîla daxuyaniyek weşand. Di daxuyaniyê de wiha hat gotin:

“18’ê Tebaxê di navbera saet 17:00 - 17:30 û 21:00 û bi şev saet 02:00’an de herêma Heftanîn a yek ji Herêmên me yên Parastinê yên Medya bi piştgiriya pêgerên hewayî yên bê mirov ji aliyê balafirên şer ên artêşa Tirk ve bi giştî qad hatiye bombe kirin. Dîsa balafirên şer saet di navbera 17.00-17.30’î de qada Şehîd Gafûr a li ser xeta sînorê Avaşînê ye bombe kirine.

17’ê Tebaxê saet 19:00'an qereqola Tepê Yekmal a li ser xeta sînorê herêma Heftanîn bi obus û hawanan bombe kiriye. Her wiha 19’ê Tebaxê saet di navbera 00.00-14.00’an de artêşa Tirk qada Şehîd Kendal bi obus û hewanan bombe kirine.

18’ê Tebaxê saet di navbera 04:00 - 05:00’an de qereqola Bîlîcan tepê Guvenlîk, saet di navbera 05.30-06.00’an de qereqola Tepê Ortê; qada Sernê bi obus û hewanan bombe kirine.

18’ê Tebaxê saet di navbera 20:00 - 20:30’î de qereqola Tepê Çete yê li ser xeta sînor ê herêma Zagrosê qada Mergê bi obus û hewanan bombe kirine.

18’ê Tebaxê saet di navbera 09:00 - 09:30 û 17:30 - 18:20’an de qereqola Oremar; qada Şehîd Gafûr a li ser xeta sînorê Avaşîn, saet di navbera 19.00-19.30’î de qereqola Bezelê qada Tepê Sor bi obus û hewanan bombe kiriye. Dîsa saet 13.30’î qereqolên Rûbarok û Grana qada Govendê bi obus û hewanan bombe kirine.

Di navbera 17’ê Tebaxê saet 18:00 û 19’ê Tebaxê saet 11:00’an de li ser herêma Heftanîn, 18’ê Tebaxê saet 16.30-21.00 li ser herêma Metîna, 18’ê Tebaxê saet 04:00 û 19’ê Tebaxê saet 03.00 li ser herêma Zapê, 18’ê Tebaxê saet 07:00 - 15:00’an li ser xeta herêma Avaşîn, 19’ê Tebaxê saet di navbera 00.00-04.00’an de li ser herêma Xakurkê pêgerên hewayî yên bê mirov keşf pêk anîne.

Her wiha balafirên şer ên artêşa Tirk saet di navbera 17:00 - 19:00’an de li herêmên Metîna, Zap, Zagros û Avaşîn geriyane.

4 helîkopterên artêşa TC ên Kobra saet di navbera 19.00-19.30’î de qada Veregoz a girêdayî Geverê rasterast gulebaran kirine. Gerîlayên me bi çekên giran bersiv dane û kobra ji herêmê vekişiyane.”