Li gorî daxuyaniya Navenda Ragihandin û Çapemeniyê ya HPG'ê, ji saet 23:00 ê 10'ê Tebaxê heta saet 02:00 ê 11'ê Tebaxê, qereqolên Mamreş, Bêzok, Grana û Musakka yên li ser sînorê Avaşîn in, qadên Mêrge, Tepê Xwedê û Hoppê, 11'ê Tebaxê saet di navbera 22:00 - 23:00 de qereqola Oremarê ya li navçeya Colemêg Geverê qada Şehîd Gafûr bi obus, hawan û tankan bombe kirine. HPG'ê der barê bomberdûmanan de ev agahî bi raya giştî re parve kir:

"11'ê Tebaxê saet di navbera 20:00 - 21:00 de qereqola Girê Aruş a li ser sînorê Betîna obus û hawan avêtiye qada Şehîd Agir.

11'ê Tebaxê saet di navbera 13:00 - 16:30 de qereqola Êrîş a li ser sînorê herêma Zapê qadên Dola Şifreza û Tepê Hakan, 11'ê Tebaxê saet di navbera 19:00 - 23:00 de qereqola Êrîş qada derdora xwe, 11'ê Tebaxê saet di navbera 17:00 - 21:00 de qereqola Bilicanê qadên derdora xwe û Girê Guvenlîkê, her wiha dîsa qereqola Êrîşê roja 12'ê Tebaxê saet di navbera 06:00 - 07:00 qada Garê ya Mezin bi obus, hawan, tank û çekên giran bomberdûman kirine.

11'ê Tebaxê saet di navbera 21:00 - 22:30 de qereqola Girê Remo ya li ser sînorê herêma Zapê Tepê Derte, Tepê Şehîd Hozan û Kaleya Veregolê bi tankan bombe kiriye. Her wiha saet di navbera 20:00 - 22:00 de qereqola Bezelê qadên Dola Mehendê û Dola Kewê bi obus û hawanan bombe kiriye.

Ji saet 10:00 ê 11'ê Tebaxê heta saet 11:00 ê 12'ê Tebaxê qereqola Bespîn a navçeya Şirnex Silopiyayê, herema Cûdî bi hawan û obusan bombe kiriye."

TEVGERA KEŞFÊ DEWAM DIKE

Di daxuyaniya HPG'ê de li ser tevgera keşfê ya li Herêmên Parastinê yên Medyayê de ev agahî hatin dayîn: "Roja 11'ê Tebaxê saet di navbera 05:00 - 14:00 de li ser herêma Qendîlê bi pêgerên hewayî yên bê mirov re artêşa T.C a dagirker keşif kiriye. Ev tevgera hewayî li qadên me yên gerîla her zêde dibe.

11'ê Tebaxê saet di navbera 16:00 - 17:00 li herêm Garê, 11'ê Tebaxê saet di navbera 21:00 - 23:00 de li xeta sînor a herêma Metîna, ji saet 22:00 ê 11'ê Tebaxê heta saet 02:00 ê 12'ê Tebaxê li herêma Avaşîn, roja 12'ê Tebaxê saet di navbera 03:30 - 04:30 de li herema Zapê bi pêgerên hewayî yên bê mirov re artêşa Tirk keşif kiriye. Her wiha 11'ê Tebaxê saet di navbera 22:00 - 22:30 de li ser herêma Avaşînê balafirên şer ên artêşa Tirk geriyane."