Navenda Çapemenî û Ragihandinê ya HPG’ê têkildarî êrîşên artêşa Tirk daxuyaniyek nivîskî weşand.

HPG’ê diyar kir ku operasyona artêşa Tirk a bi giranî bi çekên teknîk li qada Oremar a girêdayî Gevera Colemêrgê hê jî didome. HPG’ ê got; “Di vê çarçoveyê de 27’ê Cotmehê saet di navbera 21:30- 22:30 de qereqola Oremar Girê Şehîd Gafur ê li ser xeta sînorê Avaşîn bi obus, hawan û tankan bombe kiriye.”

HPG’ê agahiyên nasnameya Hamza Karataş ê 25’ê Cotmehê di pevçûneke li Girê Şehîd Rehîme bi giranî birîndar bibû û paşê jiyana xwe ji dest dabû bi raya giştî re parve kir.

Di daxuyaniya HPG’ê de ev agahî hatin parvekirin:

“27’ê Cotmehê saet di navbera 14.40-15.30’an de û saet 20.30’an qereqola Serbesta ya li xeta sînorê herêma Metîna ya Herêmên Parastinê yên Medyayê; girê Kuro Şîno, 28’ê Cotmehê (îro) saet 01.00-06.00’an qereqola Elemûn; girê Şehîd Dîlber da ber obus û hawanan.

24’ê Cotmehê leşkerên li derdora alaya Bîlîcan û qereqola Bîlîcan a li xeta sînorê herêma Zapê ya Herêmên Parastinê yên Medyayê, xwestin dest bi operasyonekê bikin. Hêzên gerîlayên me ev hewldanên êrîşê ji destpêkê ve ferq kirin û bi çekên giran û ferdî ve li hember leşkerên derketibûn operasyonê bersiv dan. Der barê mirî û birîndaran de agahiyên zelal nehatin bidestxistin, qereqola Bîlîcan; herêmên Garêya Biçûk û Şehîd Baran da ber obus û hawanan.

Ji 10’ê Cotmehê ve qereqola li bajarokê Bespin ê navçeya Silopiya yê Şirnexê; herêma Cûdî bi awayekî navber da ber obus û hawanan.

Di navbera 24-27’ê Cotmehê de ji aliyê Walîtiyê li navçeya Pîran a Amedê qedexeya kolanan hatibû îlankirin. Piştî qedexeyê, polîsên AKP’ê li Taxa Kûrmik û herêma Sirtê Pîran lêkolîn-lêgerîn kirin. 27’ê Cotmehê jî leşkeran bi ser gundên Tunebûrak, Tîrejman û Ûçkûla yên girêdayî navçeya Pîranê girtin. Girê Tîm, qereqola Beyaz Çeşme û Tabûra Dîcle; gundên Tunebûrak, Tirêjman û Ûçkûla bi hawanan bomberdûman kirin. Ev herêm heta 7’ê Mijdarê herêma ewlehiyê hat îlankirin, ketin û derketin hatin qedexekirin. Mûxtarên gundan û fermandarên li herêmê li vir ji gundiyan xwestin ku bila gundên xwe vala bikin.”

HPG’ê, nasnameyên 2 gerîlayên ku di operasyona 22’ê Cotmehê de li bejahiya gundê Kanciya yê girêdayî navçeya Qereyazî ya Erziromê destpêkiribû, jiyana xwe ji dest dabûn, daxuyand.

AGAHIYÊN NASNAMEYA GERÎLAYAN

Nasnav: Harun Zagros

Nav: Mehmet Bozkurt

Cihê Jidayikbûnê: Agirî

Navê dayik-bav: Besna - Saît

Dîrok û Cihê Şehadetê : 22’ê Cotmeha 2015 / Erzirom

***

Nasnav: Şiyar Serhed

Nav: Îsmaîl Gurkan

Cihê Jidayikbûnê: Erzirom

Navê dayik-bav: Zennure - Îdrîs

Dîrok û Cihê Şehadetê: 22’ê Cotmeha 2015 / Erzirom

***

Nasnav: Armanc Qoser

Nav: Hamza Karatay

Cihê Jidayikbûnê: Mêrdîn

Navê dayik-bav: Hedla - Sadûn

Dîrok û Cihê Şehadetê: 25’ê Cotmeha 2015 / Oremar