Li Stewrê ku bi rojan a agirê Newrozê lê venamire, ciwanan careke din agirê Newrozê dadan û berxwedana Nisêbînê silav kirin. Ji ber êrîşa jendermeyan şer derket û piştî ku jenderme ji taxan derketin, bûyer jî qediya.
Li taxa Ewîna ya navçeya Mêrdîn Stewrê, ciwanan xwestin li hemberî qedexeyê Newrozê pîroz bikin, lê jendermeyan êrîşî ciwanan kirin.
Ciwanên li jêrê taxê li hev civiyan, lastîk şewitandin û dest bi qîrîna dirûşmeyan kirin.
Ciwanan rê li çûn û hatinê girtin û bend danîn.
Gelê taxê jî ji şaneşîn û paceyên xwe destek dan ciwanên dirûşmeyên 'Bê Serok jiyan nabe', 'PKK gel e gel li vir e', 'Newroz pîroz be' diqîriyan.
Maşînên zirxî yên ji Qereqola Jendermeyan a Ewîna derketin êrîşî ciwanan kirin û li ser vê yekê şer derket.
Ciwanan li hemberî êrîşên hêzên dewletê dest bi xweparastinê kirin û bersiv dan êrîşan.
Ciwan li nava kolanan li hemberî jendermeyan şer kirin û ji hin cihan dengê çekan hat.
Di encama şerê ku heta derengiya şevê dewam kir de, jendermeyan xwe ji taxê vekişandin û li ser vê yekê bûyer qediyan.
