Îro ji saet 8.00′ê sibehê ve, artêşa Tirk a dagirker û çeteyên pê ve girêdayî ji aliyê gundên Cibildem û Şêx Nasir ve, bi  topên hawanan li gundên ′Korhiyok, Sebwêran, Boxaz û Îlan′ ên rojavayê Minbicê dixin. Her wiha, balafirên keşfê yên Tirkiyê li asîmanê hawîrdora Minbicê digerin.

Di encama êrîşên topan de, 7 ji şêniyên  gundê Korhiyok birîndar bûn û ji bo dermankirinê rakirin nexweşxaneya Tişrîn û Emel ên bajarê Minbicê.

Di encama êrîşa topên artêşa Tirk a dagirker û çeteyên pê ve girêdayî de, li gundên herêmên Şahbayê,gelek malên welatiyan hatin rûxandin û bi hezaran şêniyên wan gundan ji ber êrîşên hovana ên dewleta Tirk neçar man koçî Kantona Efrînê û bajarê Minbicê kirin.