Operesyona Şehîd Fermandar Feysel Ebû Leyla ya rizgarkirina Minbicê di roja xwe ya 24`an de didome.

Li gor nûçeya ANHA'yö, îro di saat 15:30`an de şervanên Meclîsa Leşkerî ya Minbicê li başûrê bajarê Minbicê operasyonek dan destpêkirin û li herêmê şerên dijwar rû dan.

Hate diyarkirin ku di encama operesyonê de şervanên Meclîsa Leşkerî ya Minbicê  depoyên genim ên stratîjîk ji çeteyên DAIŞ`ê rizgar kirin û li herêmê pêşveçûna şervanan didome. Bi rizgarkirina depoyên genim ve di navbera şervanên Meclîsa Leşkerî ya Minbicê û navenda bajar de 2 kîlometre dimîne.

Li eniyên rojhilat û rojava jî di navbera şervanên Meclîsa Leşkerî ya Minbicê û çeteyên DAIŞ`ê de  şerên dijwar diqewimin.