Rêxistina DBP’ê ya Amedê têkildarî bûyerên li navçeya Farqînê daxuyaniyek weşand.

Rêxistina DBP’ê ya Amedê daxuyaniyek nivîskî weşand kiyar kir ku qedexeya derketina kolanan a li taxên Tekel, Konak, Mescît di roja duyemîn de didome.

Di daxuyaniyê de cih dan agahiyên gelê navçeyê, hate ragihandin ku kesê bi navê Fîkrî yê li Taxa Konak a li Farqînê ya qedexeya kolanan li ser heye dimîne, gotiye ku ji duh êvarî ve helîkopter li ser taxê geriyane û li ser taxan gule reşandine.

'AGAHÎ NAYÊ GIRTIN; BILA TAVILÊ QEDEXE BÊ RAKIRIN'

DBP’ê destnîşan kir ku ji ber ketin û derketinên taxan hatiye qedexekirin, di encama gulebarana helîkopteran de mirin an jî birîndar hene yan tineye, ti agahî nayê girtin. Hate gotin ku gel bi fikar e û pêwîst e qedexeya kolanan tavilê bê rakirin.

HEYETÊ BERÊ XWE DA NAVÇEYÊ

Li taxên qedexeya kolanan didome, dorpêça leşker û polîsan jî zêde dibe. Ji bo bûyerên li navçeyê lêbikolin û pêşiya pevçûnan bigirin, Hevserokê Rêxistina DBP’ê ya Bajarê Amedê Alî Şîmşek, Hevserokên Rêxistina HDP’ê ya Bajarê Amedê, Parlamenterê HDP’ê yê Amedê Nîmetûllah Erdogmûş, Hevşaredarên DBP’ê yên Navçeyê, endamên KCD’ê û nûnerên saziyên civaka sivîl berê xwe dan navçeyê.