Têkildarî doza Ugur Kaymaz parêzerên girêdayî Şaxa ÎHD'ê ya Mêrdînê ji bo darizandin ji nû ve pêk bê serlêdan kirin lê dadgehê serlêdan nirxand û bê hincet red kir. 

Li navçeya Qoserê ya Mêrdînê 21'ê Kanûna 2004'an polîsan li ber malê Ugur Kaymaz ê 12 salî bi 13 guleyan û bavê wî Ahmet Kaymaz qetil kiribûn. Daxwaza doza têkildarî mijarê de ji nû ve pêk bê hincet hate redkirin. Piştî DMME'yê di 2014'an de têkildarî qetilkirina Ugur Kaymaz û bavê wî de biryara "Mafê jiyanê hate binpêkirin" da parêzerên girêdayî Şaxa ÎHD'ê ya Mêrdînê ji bo darizandin ji nû ve pêk bê serî li 1'emîn Dadgeha Cezayên Giran a Eskîşehîrê dan. Dadgehê serlêdan nirxand û bê hincet daxwaz red kir.

Şaxa ÎHD'ê ya Mêrdînê têkildarî mijarê daxuyaniyek nivîskî da bertek nîşan da û diyar kir ku kiryar hê ji aliyê dewletê ve tên parastin.