Ciwanên Êzidî yên li Başûrê Kurdistanê yên dixwazin tevlî Operasyona Azadkirina Şengalê bibin, rastî astengiya Asayîşa PDK'ê tên. Ciwanan dan xuyakirin, ku ew vê astengiyê qebûl nakin û dixwazin tevlî Operasyona Azadkirina Şengalê bibin.

Pêngava Azadkirina Şengalê danê vê sibehê ji aliyê gerîlayên HPG, YJA Star, şervanên YBŞ-YPJ Şengal û hêzên pêşmergeyan ve hat destpêkirin.

Bi sedan ciwanên Êzidî yên li kampên Duhok, Şêxan û Laleş ên li Başûrê Kurdistanê dimînin, ji bo tevlî pêngava azadkirinê bibin hatin cem hev, lê belê li ser rêya Dîcleyê ya di navbera Duhok û Şengalê de ji aliyê pêşmergeyên Asahîşa Sahîla ve hatin sekinandin û destûr ji derbasbûna wan re nehat dayîn.

Ciwanên Êzidî diyar kirin ku ew vê astengiyê qebûl nakin û nerazîbûn nîşanî pêşmergeyên ser bi PDK'ê dan, ku pêşî li wan digirin.