Li Colemêrgê gelek polîs bi çekan ciwanê xebatkarê navenda DBP’ê ku navê wî nehat zanîn binçav kirin. Li hemberî vê yekê gel li navenda sûkê kom dibe.

Li Colemêrgê polîsên sivîl bi wesayîtên zirxî li ber avahiya DBP’ê ciwanê xebatkarê navendî ya DBP’ê ku navê wî nehat zanîn bi darê zorê binçav kirin. Bi dehan polîsên sivîl bi zorê li erdê kaş kirin û xistine wesayîta zirxî.

Hat ragihandin ku polîsan li ser berteka gel derdor gulebaran kirin. Sedema binçavkirina ciwan nehat zanîn û ew birin Midûriyeta Polîsan a Colemêrgê. Piştî bihistina bûyerê gelek kes li sûka ku ji aliyê polîsan ve hat girtin kom dibin û di sûkê de gengeşî berdewam dike.