Navenda Çapemenî û Ragihandinê ya HPG’ê têkildarî bombardûmana artêşa Tirk daxuyaniyek nivîskî weşand. HPG’ê diyar kir ku hewayî û bejahî bombardûman didome û ev agahî da, “7’ê Mijdarê saet 15.00’an qereqola Bilîcan a li ser xeta sînorê herêma Zapê qadên li derdora xwe bi çekên giran bombardûman kiriye. Heman wextî leşkeran hewl dane li hember van qadan operasyonê li dar bixin. Hêzên me yên gerîla li hember van leşkeran çalakiyek li dar xistine, gerîlayan ku bi bandor li leşkeran dan leşker neçar man vekişin. Di vê çalakiyê de hejmara mirî û birîndaran nehatiye zanîn.

7’ê Mijdarê saet 11:00- 11:30 balafirên şer girê Deriyê Satê û Şehîd Afat ên li ser xeta sînorên Avaşîn bombe kirin.

7’ê Mijdarê saet 08.30-11.30’an qereqola Mamreş a li xeta sînorê herêma Avaşîn a Herêmên Parastinê yên Medyayê; herêma Mergê, saet di navbera 21.00 û 8’ê Mijdarê (îro) saet 07.00’an de qereqola Oremar; herêma Şehîd Rahîme bi obus û hawanan bomberdûman kir.

7’ê Mijdarê saet 14.30-15.00’an û 19.00-22.00’an Alaya Topavêj a Gulayazi ya li xeta sînorê herêma Heftanînê; herêmên Deriyê Dawetiya û Girê Nêriya da ber obus û hawanan.

7’ê Mijdarê saet 16.30-17.30’an qerqola Bîlîcan a li xeta sînorê herêma Zapê, herêmên derdora xwe da ber çekên giran.”

TEVGERA HEWAYÎ DIDOME

HPG’ê diyar kir ku tevgera hewayî didome û wiha berdewam kir: “7’ê Mijdarê saet 06.00-15.30’an li ser herêma Heftanîn, saet 21.00-23.00’yan li ser herêma Metîna, 7’ê Mijdarê saet di navbera 19.00 û 8’ê Mijdarê 05.00’an li xeta sînorê herêma Avaşîn, 6’ê Mijdarê saet di navbera 21.00 û 7’ê Mijdarê 12.00’an û 7’ê Mijdarê 17.00 û 8’ê Mijdarê 04.00’an de li ser herêma Zapê tevgera pêgerên hewayî yên keşfê çêbû.

7’ê Mijdarê saet 21.00-23.00’yan li ser herêma Metîna, saet 10.30-11.00’an li ser herêma Zapê, tevgera balafin şer hebû.”