HPG’ê diyar kir ku dewleta Tirk û AKP’a di nav bêçaretiyan de ne bi hezaran leşkeran ve êrîşên li hember şehîdgehan didomîne. HPG’ê da xuyakirin ku artêşa Tirk gorên li Şehîdgeha Şehîd Rojîn Gevda û Şehîd Mehmet Goyî û mizgeft xera kiriye.
Navenda Ragihandin û Çapemeniyê ya HPG’ê diyar kir ku dewleta Tirk û AKP li hember şehîdgehan êrîşên xwe yên faşîst didomîne. HPG’ê da xuyakirin ku bi bêçaretî operasyonên bi tevlîbûna hezaran leşker li hember kêlên goran û mizgeftan jî pêk tînin. HPG’ê di daxuyaniya xwe de got: “12’ê Mijdarê danê sibehê balafirên şer qadên Şehîd Welat, Kunavê, Kanî Masî, Kaniya Şkêr, Beresîh û Kacirt ên girêdayî herêma Faraşîn a Elkê ya Şirnexê bombe kirin. Bi bombardûmanê re operasyoneke bi tevlîbûna 5000 hezar leşker û cerdevanên li Colemêrgê hatiye destpêkirin. Hêza operasyonê çûye Şehîdgeha Şehîd Rojîn Gevda û Şehîd Mehmet Goyî gorên hevalên me yên şehîd û mizgeft xera kirine.
LI SKENDERÛNÊ 2 TÎMÊN TAYBET HATIN KUŞTIN
HPG’ê diyar kir ku ji artêşa Tirk komek tîmên taybet 15’ê Mijdarê saet 07.00’anli sêgoşeya Şehîd Serfîraz a girêdayî navçeya Skenderûnê ya Hatayê dest bi operasyonê kir, li hember tîmên taybet ên derketine operasyonê hêzên gerîla çalakî li dar xistin, di çalakiyê de 2 tîmên taybet hatin kuştin.
BOMBERDÛMANA HEWAYÎ Û BEJAHÎ
HPG’ê da xuyakirin ku artêşa Tirk bomberdûmanên hewayî û bejahî didomîne û wiha berdewam kir:
“14’ê Mijdarê saet 14.00-17.00’an qereqola Elemûn a li xeta sînorê herêma Metîna ya Herêmên Parastinê yên Medyayê; herêma Zendûra da ber obus û hawanan.
15’ê Mijdarê saet 08.00-08.30’an qereqola Êrîş a li xeta sînorê herêma Zapê; girê Xeregol, saet 14.30-15.00’an qereqola Bîlîcan; herêma Garêya Biçûk da ber obus û hawanan.
14’ê Mijdarê saet di navbera 18.00 û 15’ê Mijdarê 15.00’an de qereqolên Tepê Yekmal û Tepê Sînek; herêma Bektorya, 15’ê Mijdarê saet 14.00-15.00’an qerqola Tepê Maymûn; Deriyê Davetiya û Şehîd Rênas bi obus, hawan û tankan bomberdûman kir.
15’ê Mijdarê saet 10.30-11.00’an balafirên şer, girê Şehîd Kahraman ê girêdayî herêma Zapê ya Herêmên Parastinê yên Medyayê bomberdûman kir.
15’ê Mijdarê saet 11.30-19.00’an li ser herêma Metîna, saet 12.00-15.00’an li ser herêma Heftanîn, saet di navbera 07.00 û 16’ê Mijdarê (îro) 11.00’an li ser herêma Zapê pêgerên hewayî yên keşfê geriyan.”
