Navenda Ragihandin û Çapemeniyê ya HPG’ê diyar kir ku artêşa Tirk tevgera xwe ya leşkerî zêde kiriye û dixwaze pevçûnan derxe.

HPG’ê têkildarî tevgera leşkerî ya artêşa Tirk ev agahî da:

”17’ê Hezîranê di navbera saet 09:00 - 10:00’an de Qereqola Oremar a di kontrola artêşa T.C a dagirker de û girêdayî navçeya Gever a Colemêrgê ye; qada Girê Şehîd Gafûr û derdora wê, Tepê Şehîd Erdal, Tepê Gomankê, Tepê Şehîd Bager, sêgoşeya Şaxê Nêrîya, Tepê Şehîd Afat yên li ser xeta sînor a herêma Avaşîn a yek ji Herêmên me yên Parastinê yên Medya ye bi obûs, hewan, tank û çekên giran A4 bombardûman kiriye. Li hember vê êrîşa artêşa Tirk hêzên me yên gerîla bi armanca hişyariyê di heman kêliyê de gule berdane. Dîsa heman rojê saet di navbera 19:00 - 20:00’an de li hember qada Tepê Şehîd Bager bi obûs, hewan û tankan bombardûmanek pêk hatiye. Hêzên me yên gerîla di heman kêliyê de bi armanca hişyariyê bersiv dane. Li vê herêmê sedema birîndariya kesên sîvîl êrîşên artêşa Tirk in. Hêzên me yên HPG’ê bi ti awayî li ser esasê êrîşan ne ketiye nav hewldanan. Artêşa Tirk timî bi gulebarana li hember çeperên gerîla dixwaze gerîlayan sor bike. Bi van êrîşan armanc dike ku şer bide destpêkirin û berpirsyarê rewşa rû dide helwesta êrîşkar a artêşa Tirk e.”

TEVGERA HEWAYÎ DIDOME

HPG’ê diyar kir ku tevgera hewayî ya artêşa Tirk didome û got: “18’ê Hezîranê (îro) saet di navbera 04.30-12.00’an de qadên Şûkê û Şehîd Rehîme yên li ser xeta herêma Avaşîn pêgerên hewayî yên artêşa Tirk keşf pêk anîne. Ev tevgera hewayî li herêmên me yên gerîla dewam kiriye. Li gor vê;

Di 17’ê Hezîranê de saet di 08.00 û 09.00’an de herêma Çarçella, di 17’ê Hezîranê de saet di navbera 06.00-08.00, 11.00-15.00 û 20.00’an de û di 18’ê hezîranê de saet di navbera 02.00’an de herêma Mêrgezerê ya herêma Zapê, di 17’ê Hezîranê de saet di 09.30-14.30 û 20.00 û 18’ê Hezîranê saet di navbera 03.00’an de herêma Oramarê, di 17’ê Hezîranê de saet di navbera 14.30 û 18’ê Hezîranê saet di navbera 11.00’an de herêma Heftanînê, di 17’ê Hezîranê de saet di navbera 05.00-07.00’an de herêma Metîna, di 17’ê Hezîranê de saet di 04.30- 13.00’an de herêma  Zapê û saet di 20.00’an de û 18’ê Hezîranê saet di 02.30’an de li her ser herêma Garêya Mezin û Çiyayê Reş pêgerên hewayî yên bê mirov xebatên keşfê pêk anîne.

OPERASYON Û BOMBEBARAN

HPG’ê di daxuyaniya xwe de wiha dewam kir:

“Di 17’ê Hezîranê de saet di navbera 09.30 û 10.00’ê de Qereqola Oremarê ya ya Geverê; li hemberî herêmên Girê Derte û Deriyê Gomankê ya di xeta sînor herêma Zapê ya herêma me ya Parastina Medya ye, bi obus û hewanan bombebaran  pêk aniye. Dîsa di heman saetan de Qereqola Sînava herêmên Boxaza Cîgarê û Gewerokê bi hawan û obusan bombebaran kiriye. Her wiha heman rojê saet di navbera 11.00- 12.00’an de Qereqola Sînava herêmên Boxaza Cîgara û Gewerokê bi hewanan bombebaran kiriye.

Di 17’ê Hezîranê de saet di 14.00’an de Qerekola Bîlîcan ya li xeta sînor a Herêma Zapê ye, bi tankan li dijî  Geliyê Zapê bombebaran pêk aniye.

Di 17’ê Hezîranê de saet di 06.00’an de li navçeya Farqîn a Amedê li herêma rêya bendavê artêşa T.C bi beşdarbûna gelek leşker û wesayîtên zirxî operasyon daye destpêkirin.  Di operasyonê de li ser rê nokteyên kontrolê hatine avakirin û nasname hatine kontrolkirin. Operasyon heman rojê bê encam saet di 16.00’an de vekişiyaye.

Di 17’ê Hezîranê de saet di 13.00’an de  qereqolên Korxan û Axura yên li herêma Kirêkor ya girêdayî Îdirê bû bi wesayîtên zirxî li herêmê operasyon daye destpêkirin.