Artêşa Tirk îro saet  08:00’an li bejahiya Bajêrgeh a li sînorê Gever a Colemêrgê li hember qadên gerîlayan operasyonek da destpêkirin.

Navenda Ragihandin û Çapemeniyê ya HPG’ê ku têkildarî operasyonê daxuyaniyeke nivîskî weşand got, “22’ê Nîsanê saet 08:00'an li bejahiya Bajêrgeh a li ser sînorê navçeya Gever a Colemêrgê li hember qadên me yên gerîla artêşa TC a dagirker operasyonek daye destpêkirin.

Beriya vê operasyonê êrîşa bi obusan pêk hatiye, li hember van êrîşan gerîlayên me jî gulebarana hişyarkirinê kirine. Artêşa Tirk êrîşên hewayî dîsa jî dewam kiriye û hêzên me yên gerîla heta saet 10.00’an gulebarana hişyarkirinê dewam kirine. Operasyona artêşa Tirk di encama gulebarana hişyarkirinê de saet 14.00’an vekişiyaye. Li hember vê tevgera leşkerî, hêzên me yên gerîla ku pir hişyar nêz dibin, li hember provokasyonan jî pir hişyar tevdigerin.”