Operasyona artêşa Tirk, ku berî 10 rojan bi propagandayeke mezin li Çelê da destpêkirin, veguherî operasyona binketina artêşa Tirk. Gerîlayên HPG/YJA Starê yên sînorê Bakur û Başûrê Kurdistanê diparêzin gotin, artêşa Tirk bi ti awayî nikare bi pêş ve biçe û bi êrîşên giran ên hewayî û bikaranîna teknîkê hewl dide raya giştî bixapîne.

Di çarçoveya operasyona Şoreşgerî ya Şehîd Xebat Aktepe de, gerîlayên HPG/YJA Starê li derdora navçeya Çelê, derbên giran li artêşa Tirk dixin. Leşkerên artêşê û polîsên tîmên taybet ên Tirk, bi ti awayî nikarin bi pêş ve biçin û li cihê lê ne dibin hedefa çalakiyên gerîla. Dewleta Tirk hewl dide encamên vê operasyona xwe ya binketî veşêre û bombeyan li çiyayên Kurdistanê dibarîne.

Dîmenên ji herêma şer ên gihîştin ajansa me, vê rastiyê radixe pêş çavan.