Navenda Ragihandin û Çapemeniyê ya HPG'ê da xuyakirin, ku roja 13'ê Mijdarê saet di navbera 16:00-16:30 de balafirên şer ên artêşa Tirk, Şehîdgeha Şehîd Azîme û Şehîd Resûl a li herêma Herekolê ya li navçeya Sêrt Berwariyê bombe kirin. HPG'ê ragihand ku heta ber destê sibehê yê roja 14'ê Mijdarê, qereqolên Hosyam, Tîryan û Mixêsê, obus û hawan avêtine herêma Herekolê.

HPG'ê diyar kir ku artêşa Tirk saet di 09:30 ê 14'ê Mijdarê de li hemberî Şehîdgeha Şehîd Azîme û Şehîd Resûl operasyon daye destpêkirin û got, "Artêşa Tirk li qadên Sirtê Kaçê û Çemê Karê yên navçeya Berwariyê bi cih bû û konvoyeke leşkerî ket nava şehîdgehê û şehîdgeh hilweşand. Leşkeran danê êvarê xwe vekişandin. Rojên 1-14'ê Mijdarê jî bi pêgerên hewayî yên bê mirov re bênavber keşif li vê herêmê hat kirin."

Di dewama daxuyaniya HPG'ê de hat gotin, "Roja 12'ê Mijdarê saet di 17:00 de tîmeke me ya hêzên gerîla, li navenda bajarê Amedê li dijî otobuseke leşkerî çalakiyek pêk anîn. Hejmara mirî û birîndarên li vê derê nehat zelalkirin. Tîma me ya gerîla piştî çalakiyê bi awayekî serketî vegeriyan baregehên xwe."

JI ARTÊŞA TIRK ÊRÎŞA BI OBUS, HAWAN Û TANKAN

Navenda Ragihandin û Çapemeniyê ya HPG’ê di dewama daxuyaniya xwe de got:

“14’ê Mijdarê saet di navbera 14.30 - 18.00’an de Qereqola Tepê Maymûn a li ser xeta herêma Heftanîn û artêşa Tirk a li derdora Şehîd Kendal bi cih bûye; Deriyê Dawetiya, Kêlik, Girê Nêriya û Şehîd Rênas bi obus, hawan û çekên giran bomberdûman û gulebaran kir.

14’ê Mijdarê saet di navbera 14.30 - 15.00’an de Qereqola Arûş a li ser xeta herêma Metîna; girê Kuroşîno bi obus û hawanan bombe kir.

14’ê Mijdarê saet 16.30-18.00’an qereqola Mamreş a li xeta sînorê herêma Avaşîn; herêma Mergê da ber obus û hawanan.

LI HERÊMÊN GERÎLA TEVGERA HEWAYÎ DIDOME

Di navbera 14’ê Mijdarê saet 13.30 û 15’ê Mijdarê (îro) 04.00’an de li ser herêma Garê, di navbera 14’ê Mijdarê saet 07.00 û 15’ê Mijdarê 11.00’an de li ser herêma Avaşîn, pêgerên hewayî yên bêmirov ên keşfê geriyan.

14’ê Mijdarê saet 11.30-13.30’an li ser herêma Xakurkê, saet 11.30-13.00’an li ser herêma Zapê, di navbera saet 22.00 û 15’ê Mijdarê 06.00’an de li ser qada Çiyayê Reş a girêdayî herêma Zapê, tevgera balafirên şer çêbû.”