Li gor daxuyaniya Navenda Çapemenî û Ragihandinê ya HPG’ê di navbera 13’ê Îlonê saet 06.00 - 07.00, 08.00 - 08.30 û saet 11.00 - 11.30 de qereqola Bîlîcan a li ser xeta sînorê herêma Zapê ya girêdayî Herêmên Parastinê yên Medya; qada Gareya Biçûk di navbera saet 08.00 - 08.30 û saet 17.30 - 18.00, qereqola Erîş; qada Xeregol bi obus, hawan û tankan bombe kiriye.

13’ê Îlonê saet di navbera  07.30 - 09.30’î qereqola Oremar a girêdayî navçeya Geverê ya Colemêrgê; qada Şehîd Xafûr bi obus, hawan û tankan hatiye bombekirin.

Di daxuyaniyê de wiha hat gotin: “13’ê Îlonê saet di navbera 09.30 - 13.00 de herêma Xakurkê, saet di navbera 13.00 - 18.00’an de herêma Xinêre, saet di navbera 17.00 - 00.00 de li herêma Zapê û xeta sînor, di navbera saet 23.00 û 14’ê Îlonê (îro) saet 03.00 de li qada Avaşîn pêgerên hewayî yên bê mirov keşf pêk anîne. He wiha 13’ê Îlonê saet di navbera 12.00-13.00’an de li ser herêma Zapê tevgera balafirên şer rû daye.

Ji 13’ê Îlonê saet 22.00'an heta 14’ê Îlonê saet 04.00 li qada Çemçê ya Qersê pêgerên hewayî yên bê mirov keşif pêk anîne.”