6 şervanên YPG’ê yên ku hikûmeta AKP/Erdogan radestî koma bi nave Ehrar El-Şam kiribû hatin berdan.

Li Kobanê 6 şervanên YPG’ê di berxwedana Kobanê de birîndar bibûn û di meha Tebaxa 2015’an de ji bo dermankirinê derbasî Bakurê Kurdistanê hatibûn kirin. Lê hikûmeta AKP/Erdogan 6 şervanên birîndar radestî koma bi navê Ehrar El-Şam kiribûn.

6 şervan piştî 3 mehan li herêma Efrînê serbest hatin berdan. Şervan saet derdora 18.30’an radestî YPG’ê hatin kirin, ew birin Nexweşxaneya Avrîn.

Beriya niha hatibû gotin ku 6 şervan radestî çeteyên El-Nusra hatine kirin, lê derket holê ku radestî Ehrar El-Şam hatine kirin.