Ji bo Evîn Goyî (Emîne Kara), Abdûrrahman Kizil û Mîr Perwer (M. Şîrîn Aydin) ên 23'ê Kanûna 2022'an li Parîsê şehîd bûn, Sakîne Cansiz, Fîdan Dogan û Leyla Şaylemez ên 9'ê Çileya 2013'an li Parîsê şehîd bûn, 11 gerîlayên ji ber çekên kîmyewî yên dewleta Tirk li Herêmên Parastinê yên Medyayê şehîd bûn û Tolhildan Tîrêj (Serhat Aksoy) ê 4'ê Tîrmeha 2022'an şehîd bû, li bajarê Dortmûndê yê Elmanyayê çalakiyeke bîranînê hate lidarxistin.

Zêdeyî 350 kes tevlî bîranînê bûn ku li Kurdistan Zentrûm a Dortmûndê pêk hat.

Nûnerên Komeleya Mafên Şehîdan (KOMAW), Tevgera Jinên Kurd a li Ewropayê û xizmên Mîr Perwer û Evîn Goyî li bîranînê axivîn. Qisekeran diyar kirin ku ew bi şehîdên xwe serbilind in, wê têkoşîna wan dewam bikin û dest ji dozê bernedin.

Piştî nîşandana sînevîzyonê bîranîn bi dirûşma "Şehîd namirin" bi dawî bû.