Senatorê Baskî yê li Madrîdê Gorga Elejabarrieta Diaz anî ziman ku pêvajoya li Tirkiyeyê bi banga Rêber Apo destpê kir "Li cîhanê ronahiya hêviyê ye" û bang li hikumeta Spanyayê kir ku piştgiriyê bide pêvajoyê.
Ji partiya Eh Bildu ya Baskê senatorê endamê Koma Çep a ji bo Serxwebûnê Gorga Elejabarrieta Diaz got, "Pêvajoya aştiyê ya navbera Kurdistan û Tirkiyeyê, li cîhaneke ku şer zêde bûye û agahiyên xerab bê dawî tên, şewqa hêviyê ye."
Axaftina Diaz a li parlamentê li ser hesabê medya dîjîtal a Eh Bildu hate parvekirin.
El proceso de paz entre el Kurdistán y Turquía es un brote de esperanza en un mundo convulso en el que se suceden las escalada bélicas y las malas noticias.@G_Elejabarrieta reclama al Gobierno español que respalde y acompañe los esfuerzos para lograr una paz justa y duradera. pic.twitter.com/wYdAqZFDXF
— EH Bildu (@ehbildu) December 9, 2025
Senator Diaz ji hikumeta Spanyayê xwest, ji bo aştiyeke adil û mayinde piştgiriyê bide van hewldanan û pê re tevbigere.
Diaz destnîşan kir ku ji bo pêkanîna aştiyeke mayinde ya li Kurdistanê divê "firsenda rasteqîn" a derketiye holê bê nirxandin û gavên di vê mijarê de mehên dawî hatine avêtin bi bîr xist. Senator got, "Diyalog û muzakere rêya herî bi bandor a çareseriya şerê siyasî ye."
.@G_Elejabarrieta llama a aprovechar «la oportunidad real» abierta para lograr una paz duradera en el Kurdistán y recuerda los pasos dados en los últimos meses en esa dirección.
— EH Bildu (@ehbildu) December 9, 2025
«El diálogo y la negociación son la manera más eficaz para resolver los conflictos políticos». pic.twitter.com/DnmVbXgpCx
