Dadgeha Elman xwe amade dike ku siyasetvanê Kurd Mehmet Çakas di 28ê Tebaxê de dersînorî Tirkiyeyê bike. Dadgeha Îtalya ku bi şertê “radestî Tirkiyeyê neyê kirin” Çakas teslîmî Elmanyayê kiribû, li hember vê biryarê bêdengya xwe berdevam dike.
Siyasetvanê Kurd Mehmet Çakas ê ku li girtîgeha Uelzenê tê girtin, bi rêya malbata xwe daxuyanî da û bi bîr xist ku Îtalya di proseya radestkirina ji bo Elmanyayê de soza “divê radestî Tirkiyeyê neyê kirin” dabû û got: “Ez dixwazim dadgeha Îtalyayê li pişt vê şertê bisekine.”
Çakas bang li Kurdên li Îtalyayê, parêzvanên mafên mirovan û derdorên demokratîk kir û destnîşan kir ku divê biryara dadgeha Îtalyayê bê bicihanîn.
REWŞA ÇAKAS JI HIKÛMETÊ HAT PIRSÎN
Endama Parlamentoya Federal a Die Linke (Bundestag) Cansu Ozdemîr ev mijar anî rojeva hikûmetê. Cansu Ozdemîr di pêşnîyarapirsa xwe de behsa biryara Wezareta Dadê ya Federal a sala 2023’yan kir û xwest ku ji ber tehdîda cezayê giran a heta hetayê li Tirkiyeyê, divê daxwaza radestkirina Çakas bê redkirin.
Parlamentera Die Linke ji Wezareta Karên Hundir a Federal û Daîreya Federal a Koçber û Penaberan (BAMF) pirsî, gelo vê biryarê li ber çav digirin an na?
Cansu Ozdemîr bi van gotinan bertek nîşan da: “Tevî nirxandina vekirî ya Daîreya Dadê ya Federal a derbarê Mehmet Çakas de heye jî çima Daîreya Federal a Koçberan li hember vê dersînorkirinê dernakeve?
